काठमाडौं । सिटिजन्स म्युचुअल फन्डअन्तर्गत सञ्चालित हुने गरी ५० करोड रुपैयाँ नयाँ योजना ल्याइने भएको छ।
योजना व्यवस्थापक सिटिजन्स क्यापिटलले ‘सिटिजन्स सदाबहार योजना’ ल्याउने भएको हो। यो योजनाका १० रुपैयाँ अंकित मूल्यका कुल ५ करोड इकाइ निष्कासनको अनुमति माग्दै क्यापिटलले नेपाल धितोपत्र बोर्डमा गत असोज २ गते निवेदन दिएको छ।
धितोपत्र बोर्डले अनुमति दिएमा क्यापिटलले यो योजनाका इकाइहरुको सार्वजनिक निष्कासन गर्नेछ।
खुलामुखी योजना हो। योजनाको कोष प्रवर्द्धकमा सिटिजन्स बैंक रहेको छ।
