काठमाडौं । कुमारी म्युचुअल फन्डअन्तर्गत सञ्चालित दुई योजनाको प्रतिफल घोषणा गरिएको छ।
योजना व्यवस्थापक कुमारी क्यापिटलले कुमारी धनवृद्धि योजना र कुमारी इक्विटी फन्डको आर्थिक वर्ष २०८०।८१ का लागि प्रतिफल घोषणा गरेको हो। यी दुवै योजनाका इकाइधनीहरुलाई करसहित ९.५ प्रतिशत नगद लाभांश वितरण गर्ने निर्णय क्यापिटल सञ्चालक समितिले गरेको छ।
घोषित प्रतिफलअनुसार कुमारी धनवृद्धि योजनाका इकाइधनीहरुलाई ११ करोड ६३ लाख ८१ हजार ८९६.०५ रुपैयाँ र कुमारी इक्विटी फन्डका इकाइधनीहरुलाई ९ करोड ५० लाख रुपैयाँ नगद लाभांश वितरण गरिने क्यापिटलले जनाएको छ।
