काठमाडौं । राष्ट्रिस्तरका ८ वटा विकास बैंकले चालु आर्थिक वर्षको ११ महिना जेठसम्म ४ अर्ब ८३ करोड २२ लाख रुपैयाँ नाफा आर्जन गरेका छन्।
नेपाल राष्ट्र बैंकले आज सार्वजनिक गरेको तथ्यांकअनुसार यो ११ महिनामा सर्वाधिक नाफा कमाउने मुक्तिनाथ रहेको छ। यो बैंकले १ अर्ब १६ करोड ९४ लाख रुपैयाँ नाफा आर्जन गरेको छ। नाफाको हिसाबले १ अर्ब रुपैयाँको क्लबमा पुग्ने मुक्तिनाथ एकमात्र बैंक हो।
सर्वाधिक नाफा कमाउने दोस्रो विकास बैंकमा गरिमा रहेको छ। गरिमाले ८५ करोड ७४ लाख रुपैयाँ नाफा कमाएको छ।
तेस्रोमा शाइन रेसुंगा रहेको छ। यो बैंकले ६७ करोड ७९ लाख रुपैयाँ नाफा आर्जन गरेको छ।
यसैगरी महालक्ष्मीले ५५ करोड ४७ लाख रुपैयाँ, कामना सेवाले ४८ करोड ९२ लाख रुपैयाँ, लुम्बिनीले ४२ करोड ३ लाख रुपैयाँ, सांग्रिलाले ३५ करोड ३५ लाख रुपैयाँ र ज्योतिले ३० करोड ९३ लाख रुपैयाँ नाफा आर्जन गरेको छ।
