काठमाडौं । टाटा मोटर्सले आफ्नो सबै कमर्सियल गाडीको दाम बढाउने घोषणा गरेको छ। कम्पनीले कमर्सियल गाडीको मूल्य २ प्रतिशत बढाउने र नयाँ मूल्य आउँदो जुलाईबाट लागू हुने घोषणा गरेको हो।
कमोडिटी प्राइसमा बढोत्तरी भएका कारण गाडीको मूल्य बढाउने निर्णय गर्नुपरेको टाटा मोटर्सले जनाएको छ। कमर्सियल गाडीका सबै रेन्जमा यो निर्णय लागू हुने कम्पनीको भनाइ छ।
वित्त वर्ष २०२४ मा टाटा मोटर्सको मुनाफा १ हजार प्रतिशतले बढेर भारु ३१८०७ करोड भएको छ। अघिल्लो कम्पनीको मुनाफा भारु २६८९ करोड थियो।
