काठमाडौं । बर्खायाम सुरु हुन लागेको छ। अन्य मौसममा भन्दा बर्खायाममा कार चलाउनु चुनौतीपूर्ण र जोखिमपूर्ण हुन्छ। यो मौसममा गाडीको विशेष ख्याल राख्नुपर्छ। यदि बर्खायाममा आफ्नो यात्रा सुखद् र सुरक्षित होस् भन्ने चाहना छ भने मनसुन आउनुअघि नै आफ्नो कारलाई यो मौसमका लागि तयार पार्नुपर्छ।
यस्ता छन् टिप्स
सर्भिसिङ: मनसुन आउनुअघि एकपटक आफ्नो कार सर्भिसिङ गराउनुपर्छ। बर्खायाममा सवारीसाधन प्रायः बन्द हुने समस्या देखिन्छ। यस्तो अवस्थामा कारमा पहिले नै केही समस्या छ भने त्यसलाई बढ्न दिन हुन्न। त्यसैले समयमै सर्भिसिङ गराउनुपर्छ।
टायर: बर्खायाममा सडक चिप्लो हुन्छ। यदि कारको टायर फाटेको छ भने यो खतरनाक हुन सक्छ। यस्तो अवस्थामा टायर परिवर्तन गर्नु नै उपयुक्त हुन्छ।
वाइपर र वासर: पानी परिरहेको समयमा वाइपरको काम सबैभन्दा महत्वपूर्ण हुन्छ। यदि वाइपर ब्लेडले राम्रोसँग काम गर्दैन भने पानी परिरहेको बेला ड्राइभ गर्न धेरै गाह्रो हुन्छ। त्यसैले वाइपर ब्लेडसँग सम्बन्धित सबै समस्याहरु समाधान गर्नुपर्छ। यसबाहेक वासर सिस्टम पनि जाँच गरिरहनुपर्छ। वासर बोटल खाली गर्नु हुँदैन।
ब्रेक: बर्खायाम सुरु हुनुअघि गाडीको ब्रेक ठीकसँग काम गरिरहेको छ वा छैन भनी जाँच गर्नुपर्छ। ब्रेकका बारेमा लापरबाही गर्नुहुँदैन। ब्रेक प्याड सफा राखिराख्नुपर्छ। नयाँ ब्रेक शु लगाउनु सही निर्णय हुनेछ।
ब्याट्री: बर्खायाममा कारको ब्याट्री ठीकसँग काम गरिरहेको छ वा छैन भन्ने कुरामा विशेष ध्यान दिनुपर्छ। आवश्यक भएमा ब्याट्री बदल्नुपर्छ। किनकि ब्याट्री पानी परिरहेको बेला बढी प्रयोग हुन्छ।
इलेक्ट्रिक कनेक्सन: बर्खायाममा यसतर्फ पनि विशेष ध्यान दिनु आवश्यक हुन्छ। सवारीसाधनको इलेक्ट्रिक कनेक्सन खुकुलो वा कमजोर भएमा समयमै मर्मत गराउनुपर्छ। कहिलेकाहीँ इलेक्ट्रिक कनेक्सनसँग जोडिएका साना समस्या पनि ठूलो दुर्घटनाको कारण बन्ने गरेको छ।
लाइट्स: पानी परिरहेको बेला भिजिबिलिटी कम भएकाले प्रायः समस्याको सामना गर्नुपर्ने हुन्छ। गाडी हेडलाइटदेखि टेललाइटसम्म उत्तम अवस्थामा हुनुपर्छ। हेडलाइटहरुले ड्राइभिङ गर्दा पर्याप्त प्रकाश प्राप्त गर्न सुनिश्चित गर्नुपर्छ। त्यसैले समय–समयमा तिनीहरुलाई जाँच गरिरहनुपर्छ।
