काठमाडौं। कारको राम्रो माइलेज भनेको मानिसको तलबजस्तै हो। तर, यो तपाइँको कार्यसम्पादनमा निर्भर गर्दछ। तपाइँले कार कसरी चलाउनुभएको छ वा तपाइँले कारलाई कुन अवस्थामा राख्दै हुनुहुन्छ।
आजको महँगो पेट्रोल र डिजेलको युगमा हरेक कार मालिक आफ्नो कारले अधिकतम माइलेज दिन चाहन्छन्। तर, कहिलेकाहीँ गाडीको माइलेज अचानक घट्न थाल्छ। यसले इन्धनको लागतमात्र बढाउँदैन, वातावरणमा पनि नकारात्मक असर पार्छ। यस्तो अवस्थामा कारको माइलेज घट्नुका कारण थाहा पाउनु जरुरी छ।
यस्ता छन् माइलेज घट्नुका मुख्य ५ कारण
खराब ड्राइभिङ बानी
जब तपाइँ छिटो गाडी चलाउनुहुन्छ र अचानक ब्रेक लगाउनुहुन्छ, इन्जिनमा कडा प्रेसर पर्छ र यसले इन्धन खपत बढाउँछ। त्यसैले सवारीसाधन सधैँ सही गियरमा चलाउनुपर्छ। कम गियरमा गाडी चलाउँदा इन्जिनमा बढी तनाव हुन्छ र इन्धन खपत बढ्छ। एसी प्रयोग गर्दा पनि इन्जिनमा बढी भार पर्छ, जसले इन्धन खपत बढाउँछ।
टायरमा हावाको चाप कम
टायरमा हावाको चाप कम हुँदा गाडीको माइलेज घट्छ। टायरमा सही हावाको चाप कायम गर्नाले माइलेज मात्र बढ्दैन, टायरको आयु पनि बढ्छ।
इन्जिनमा खराबी
इन्जिनमा धेरै प्रकारका खराबी हुन सक्छन्। जसका कारण कारको माइलेज घट्न सक्छ। स्पार्क प्लगमा खराबीका कारण इन्जिन राम्ररी जल्दैन, जसले इन्धन खपत बढाउँछ। साथै, फोहोर एयर फिल्टरका कारण इन्जिनले राम्रोसँग हावा पाउन सक्दैन, जसका कारण इन्धन खपत बढ्छ। पुरानो इन्जिन आयलले पनि इन्जिनमा घर्षण बढाउँछ, जसले इन्धन खपत बढाउँछ।
सवारीसाधन ओभरलोड
गाडीमा बढी तौल हुँदा कारको माइलेज पनि घट्छ। यस्तो अवस्थामा कारमा जति आवश्यक छ, त्यतिमात्र सामान राख्ने प्रयास गर्नुहोस्।
मेन्टेनेन्समा लापरबाही
नियमित मर्मतसम्भार नगर्दा पनि कारको माइलेज घट्छ। यस्तो अवस्थामा कार निर्माताले तोकेबमोजिम गाडीलाई नियमित रुपमा सर्भिसिङ गर्नुपर्छ।
यी कारणले पनि माइलेज घट्छ
खराब सडकमा गाडी चलाउँदा गाडीको माइलेज घट्छ। भारी ट्राफिकमा चलाउँदा कारको माइलेज पनि घट्छ। चिसो मौसममा पनि कारको माइलेज घट्छ।
यी उपाय अपनाएर कारको माइलेज बढाउन सकिन्छ
- गलत ड्राइभिङ बानी त्याग्नुहोस्।
- नियमित रुपमा टायरको हावाको चाप जाँच गर्नुहोस्।
- सवारीसाधनलाई नियमित रुपमा सर्भिसिङ गर्नुहोस्।
- हल्का तौलको गाडी चलाउनुहोस्।
