काठमाडौं । अन्तर्राष्ट्रिय बजारमा पछिल्लो ३ महिनामा सुनको भाउ १५ प्रतिशतले बढेको छ। यो २०२४ को सुरुदेखि नै उत्कृष्ट प्रदर्शन गर्ने एसेट वर्गका रुपमा उभिएको छ।
पछिल्ला ३ महिनामा धेरै कारणले पहेँलो धातुको भाउ बढेको छ। प्रश्न उठ्छ कि चमकदार धातुमा यो उछाल भविष्यमा पनि जारी रहन्छ ? अहिले लगानी गर्ने उपयुक्त समय हो ?
भारत र चीनलगायत उदीयमान मुलुकका केन्द्रीय बैंकहरुले विगत केही महिनादेखि लगातार सुन खरिद गरिरहेका छन्। यसले सुनको भाउ बलियो भएको छ। सुन लगानीकर्ताको पोर्टफोलियो विविधीकरण गर्न र महँगीविरुद्ध सुरक्षा गर्न राम्रो विकल्प हुन सक्छ। यसलाई लगानीको सबैभन्दा सुरक्षित विकल्प मानिन्छ।
युद्ध, राजनीतिक अस्थिरता र प्राकृतिक प्रकोपजस्ता विश्वव्यापी घटनाले सुनको मूल्यलाई असर गर्छ। कठिन परिस्थितिमा सुनको मूल्य प्रायः बढ्छ। अर्थव्यवस्था अनिश्चित हुँदा पनि सुनको मूल्य सामान्यतया बढ्छ। कारण यो एउटा सुरक्षित विकल्प मानिन्छ।
विश्लेषकहरुले सुनको भाउ अझै बढ्ने अनुमान गरेका छन्। कारण यो हो कि बहुमूल्य धातुलाई गति दिने धेरै कारक सकारात्मक छन्। यसमा उच्च मुद्रास्फीति दर, प्रमुख केन्द्रीय बैंकहरुले मौद्रिक नीति सहज बनाउने सम्भावना र मध्य पूर्व र युक्रेनमा भू–राजनीतिक तनाव समावेश छ।
विश्लेषकहरुले सुन, चाँदी र अन्य बहुमूल्य धातुको भाउ आगामी केही महिना अझै उकालो लाग्न सक्ने अनुमान गरेका छन्। सुनको अवस्था राम्रो रहेको उनीहरुको ठम्याइ छ।
यदि मुद्रास्फीति उच्च रह्यो भने यो बढ्छ। ब्याजदर घट्यो भने पनि राम्रो प्रदर्शन गर्छ। यसको कारण भू–राजनीतिक तनावले सुनको भाउ बढाएको हो। रुस–युक्रेन युद्ध सकिएको छैन। यसैबीच इरान र इजरायलबीच पनि तनाव बढेको छ। यसले सुनको भाउ बढाउनेछ। –एजेन्सी
