काठमाडौं । ग्रीन डेभलपमेन्ट बैंकले संस्थापक र सर्वसाधारणको शेयर संरचना परिमार्जन गर्ने भएको छ। बैंकले आज एक सूचना जारी गर्दै संस्थापक र सर्वसाधारणको शेयर संरचना परिमार्जन गर्दै ५१ः४९ अनुपात कायम गर्ने जनाएको छ।
बैंकका अनुसार संस्थापक समूहको ५१ प्रतिशत र सर्वसाधारण समूहको ४९ प्रतिशत शेयर स्वामित्व कायम गरिनेछ। जसअनुसार संस्थापक समूहको २६ लाख ४६ हजार ९०० कित्ता र सर्वसाधारणको २५ लाख ४३ हजार १०० कित्ता शेयर कायम हुनेछ।
बैंक सञ्चालक समितिको शेयर संरचना परिमार्जनको विशेष प्रस्ताव चैत २७ गते हुने दसौँ तथा एघारौँ वार्षिक साधारणसभा थप गरिने निर्णय पनि गरेको छ। यसअघि वार्षिक साधारणसभाको अजेन्डामा यो प्रस्ताव समावेश थिएन।
राष्ट्र बैंकले पनि शेयर संरचना परिवर्तमान स्वीकृति दिइसकेको बैंकले जनाएको छ।
