काठमाडौं । अन्तर्राष्ट्रिय स्पोर्टसवेयर नाइकीले कर्मचारी कटौती गर्ने निर्णय गरेको छ। कम्पनीले कुल कर्मचारीमा २ प्रतिशत कटौती गर्ने निर्णय गरेको हो।
कम्पनीले १ हजार ७०० कर्मचारी हटाउने भएको छ। यो संख्यामा कर्मचारी हटाउँदा कम्पनीको लागत खर्च २ अर्ब डलरले घट्ने बताइएको छ।
कम्पनीलाई अझ राम्रो स्थानमा पुर्याउन यो निर्णय लिनुपरेको कम्पनीको प्रवक्ताले बताएका छन्। ‘यसले कम्पनीको ग्रोथ बढाउन सहयोग पुग्ने विश्वास गरेका छौँ’, उनले भने।
हाल विश्वभर यो कम्पनीमा ८३ हजार ७०० कर्मचारी कार्यरत छन्। –एजेन्सी
