काठमाडौं । विश्वको सबैभन्दा ठूलो डाटा लिक भएको खुलासा भएको छ। जसमा अर्बौं मानिसको अकाउन्ट कम्प्रोमाइज भएको छ। यो डाटा लिक भएपछि साइबर अपराधसँग सम्बन्धित चिन्ता झनै बढेको छ।
त्यसैगरी हरेक दिन विश्वभर धेरै मानिस साइबर अपराधको सिकार हुने गरेका छन्। यस्तो अवस्थामा अर्बौं मानिसको डाटा लिक हुनु विश्वका लागि ठूलो चिन्ताको विषय हो।
रिपोर्टहरु विश्वास गर्ने हो भने २६ अर्ब अकाउन्टहरुको रेकर्ड डाटा लिक भएको छ। यसमा लिंक्डइन, स्न्यापच्याट, भेन्मो, एडोब र एक्स (ट्विटर) को डाटा समावेश छ। यही कारणले यसलाई इतिहासकै सबैभन्दा ठूलो डाटा लिक भनिएको हो।
लगइन प्रमाणहरुबाहेक अन्य विवरणहरु पनि लिक डाटामा समावेश छन्। साइबर न्युजको रिपोर्टका अनुसार यसमा धेरैजसो सेन्सेटिभ डाटा हुन्छ, जसले यसलाई धेरै मानिसहरुका लागि भ्यालुएसन बनाउँछ। साइबर विज्ञहरुले यो डाटा सेट निकै खतरनाक रहेको बताएका छन्। यसको मद्दतले ह्याकर वा साइबर अपराधीहरुले धेरै प्रकारका हमला गर्न सक्छन्। यस डाटाको मद्दतले कसैको पहिचान चोर्ने, फिसिङ योजना, लक्षित साइबर आक्रमण र कसैको संवेदनशील खाता तोड्नेजस्ता काम गर्न सकिन्छ। साइबर न्युजका सुरक्षा अनुसन्धानकर्ता मान्टास सास्नाउस्कस भन्छन्, ‘धेरैजसो मानिसलाई असर गरेको छ।’
लिक भएको डाटाको ठूलो संख्या चिनियाँ इन्स्ट्यान्ट मेसेजिङ प्लेटफर्म टेन्सेन्टबाट हो। यसको १.४ अर्ब प्रयोगकर्ताको डाटा लिक भएको छ। दोस्रो स्थानमा विइबो रहेको छ। विइबोको ५० करोड ४० लाख प्रयोगकर्ताको डाटा लिक भएको छ। यसपछि माइस्पेसका ३६ करोड खाता, ट्विटरका २८.१ करोड प्रयोगकर्ता, म्युजिक स्ट्रिमिङ प्लेटफर्म डिजरका २५.८ करोड प्रयोगकर्ता र लिंक्डइनका २५.१ करोड प्रयोगकर्ताको डाटा लिक भएको छ। यीबाहेक एडोब, टेलिग्राहक, ड्रपबक्स, दूरदस, क्यानभा र स्न्यापच्याटलगायत अन्य धेरै प्लेटफर्महरुको डाटा यसमा समावेश गरिएको छ। –एजेन्सी
