काठमाडौं । भारतीय हवाई उड्डययन निगरानी संस्थाले हवाई सुरक्षित नियम उल्लंघन गरेकोमा एयर इन्डियालाई भारु १ करोड १० लाख जरिवाना गरेको छ। नियामकले अमेरिकाका लागि उडान भर्ने भाडाको बोइङ ७७७ को सञ्चालनको सम्बन्धमा गम्भीर सुरक्षा उल्लंघनका लागि एयर इन्डियामाथि भारी जरिवाना तोकेको हो। एयर इन्डियाले भने यो जरिवानाविरुद्ध अपिल गर्ने भएको छ।
एयर इन्डिया यो साता दोस्रोपटक नियामकीय जरिवानामा परेको हो। एयर इन्डियाका एक पूर्वपाइलटले आपतकालीन अक्जिन आपूर्ति प्रणाली बिना नै अमेरिकामा बोइङ ७७७ विमान सञ्चालन गरेको आरोपमा उजुरी गरेका थिए। सोही उजुरीमाथि अनुसन्धान गर्दै नागरिक उड्डयन महानिर्देशनालय एयर इन्डियासँग स्पष्टीकरण पनि माग गरेको थियो।
स्पष्टीकरण सन्तोषजनक नभएपछि नियामकले एयर इन्डियामाथि जरिवाना भराउने निर्णय गरेको हो। – एजेन्सी
