काठमाडौं। छिमेकी मुलुक भारतले तेलको मूल्यमा भारी कटौती गर्ने सम्भावना रहेको छ। योसँगै पेट्रोल र डिजेलको मूल्य चाँडै घट्ने अपेक्षा गरिएको छ।
कच्चा तेलको मूल्यमा आएको गिरावटका बीच भारतीय तेल कम्पनीहरुले नाफा कमाउन थालेको एउटा रिपोर्टमा उल्लेख छ। यस्तो अवस्थामा इन्धनको मूल्य घटाउने घोषणा हुन सक्छ।
अन्तर्राष्ट्रिय उत्पादनको तुलनामा भारतमा प्रतिलिटर पेट्रोलमा भारु ११ र डिजेलमा भारु ६ नाफा रहेको अनुमान इक्रा लिमिटेडका समूह प्रमुख गिरीशकुमार कदमले गरेका छन्। सेप्टेम्बर २०२३ मा तेलको मूल्यमा ठूलो गिरावट आएपछि यो नाफाले केही महिनामा पेट्रोलको ट्रेड मार्जिनमा सुधार भएको उनले जानकारी दिए। त्यस्तै अक्टोबर पछि डिजेलको मार्जिनमा सुधार भएको उनको भनाइ छ।
इक्राले यो बढेको मार्जिनले खुद्रा इन्धनको मूल्य घटाउन सक्ने अनुमान गरेको छ। यदि कच्चा तेलको मूल्य स्थिर रह्यो भने भारतमा चाँडै पेट्रोल र डिजेलको मूल्यमा कमी आउने इक्राको प्रतिवेदनमा दाबी गरिएको छ। यो कटौती प्रतिलिटर भारु ६ देखि भारु ११ सम्म हुन सक्छ।
अन्तर्राष्ट्रिय बजारमा बेन्चमार्क कच्चा तेलको मूल्य प्रतिब्यारेल ८० डलरभन्दा तल कारोबार भइरहेको छ। कमजोर माग र लिबिया र नर्वेमा बढ्दो उत्पादनले पश्चिम एसियामा व्यापक द्वन्द्वको डरले पनि तेलको मूल्य घटेको छ।
नेपालले भारतबाट इन्धन आयात गर्दै आएको छ। यदि भारतबाट इन्धनको मूल्य घट्यो भने नेपालमा पनि पेट्रोल र डिजेलको भाउ घट्ने जानकारहरु बताउँछन्।
