काठमाडौं । भारतीय शेयर बजारमा सूचीकृत कम्पनीहरुको आइपीओलाई लिएर ठूलो खेल चलिरहेको छ। शेयर बजार नियामक सेबीले आइपीओ सब्सक्रिप्सनमा भइरहेको अनियमितताबारे खुलासा गरेको हो। अहिले दुईवटा आइपीओमाथि सेबीले छानबिन गरिरहेको छ।
सेबी अध्यक्ष माधवी पुरी बुचले अनियमिततामा केही ठूला मर्चेन्ट बैंकरको नाम पनि बाहिर आएको बताइन्। यद्यपि, उनले कसैको नाम भने खुलाएकी छैनन्।
सेबीले आइपीओ सदस्यता डाटा वृद्धि गर्ने त्यस्ता मर्चेन्ट बैंकरहरुको अनुसन्धान गरिरहेको जनाएको छ। जसले आइपीओ सब्सक्रिप्सन डाटा बढाइचढाइ देखाइरहेका छन्। सेबीले यस्ता मर्चेन्ट बैंकरहरुमाथि कारबाही गर्ने आश्वासन पनि दिएको छ।
सेबी अध्यक्ष बुचले आइपीओको बोलपत्रमा फर्जी खाताको प्रयोग भइरहेको बताइन्। उनले त्यस्ता खाताबाट पहिले आइपीओ सब्सक्रिप्सन डाटा बढाउनका लागि आवेदन दिइन्छ र पछि अस्वीकार हुने गरकोबताइन्। फर्जी खाता अरु कसैको नाममा जालसाजी गरेर खोलिने गरेको बुचले जानकारी दिइन्। –एजेन्सी
