काठमाडौं । भारतीय शेयर बजारमा बुधबार पहिरो गएको छ। विश्व शेयर बजारमा देखिएको नकारात्मक महौलबीच भारतीय शेयर बजारमा भारी गिरावट आएको छ।
आज बीएसआई सेन्सेक्समा १६०० अंकभन्दा बढीको गिरावट आएको छ। सेन्सेक्स १६२८ अंकले घटेर ७१५००.७६ को विन्दुमा बन्द भएको छ। सेन्सेक्सको यो गिरावट १६ महिनायताकै उच्च हो।
नेसनल स्टक एक्सचेन्जको निफ्टीमा पनि आज ४६० अंकको गिरावट आएको छ। निफ्टी २१५७१.९५को विन्दुमा बन्द भएको छ।
आज एचडीएफसी बैंकको शेयरभाउमा भारी गिरावट आएको छ। यो बैंकको शेयरभाउ ७.५ प्रतिशतले ओरालो लागेको छ।
निफ्टी बैंकमा १८०० अंक अर्थात करिब ४ प्रतिशतको गिरावट आएको छ। जुन २०२२ मार्चयताकै उच्च गिरावट आएको हो। –एजेन्सी
