काठमाडौं । गुराँस लघुवित्त वित्तीय संस्थाले आर्थिक वर्ष २०७९/८०का लागि लाभांश वितरण नगर्ने भएको छ।
कम्पनी सञ्चालक समितिको शनिबार (मंसिर १६ गते) बसेको बैठकले उक्त आर्थिक वर्षको मुनाफाबाट लाभांश वितरण नगर्ने निर्णय गरेको हो। गत आर्थिक वर्षको अन्त्यसम्म कायम वितरणयोग्य मुनाफ सञ्चित गर्ने निर्णय पनि बैठकले गरेको छ।
सञ्चालक समितिबाट भएको निर्णयसहितको वित्तीय विवरणहरु नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरिने संस्थाले जनाएको छ।
अघिल्लो आर्थिक वर्ष २०७८/७९मा गुराँस लघुवित्तले ४ प्रतिशत बोनस शेयर र ०.२१०५ प्रतिशत नगद लाभांश गरी कुल ४.२१०५ प्रतिशत लाभांश वितरण गरेको थियो।
