काठमाडौं । मनकामना स्मार्ट लघुवित्त वित्तीय संस्थाले आर्थिक वर्ष २०७९÷८०का लागि लाभांश वितरण नगर्ने निर्णय गरेको छ।
संस्थाको सञ्चालक समितिको बिहीबार (मंसिर १४ गते) बसेको बैठकले उक्त आर्थिक वर्षको मुनाफाबाट लाभांश वितरण नगर्ने निर्णय गरेको छ। उक्त आर्थिक वर्षका लागि बोनस शेयर र नगद लाभांश वितरण नगर्ने निर्ण भएको कम्पनी सचिव कुलमणि ज्ञवालीले जानकारी दिए।
उक्त आर्थिक वर्षको नाफा–नोक्सानलगायतको वित्तीय विवरण नेपाल राष्ट्र बैंकबाट स्वीकृत भएपछि आगामी वार्षिक साधारणसभाबाट अनुमोदन गरिने संस्थाले जनाएको छ।
