काठमाडौं । आइसिएफसी फाइनान्स लिमिटेडले चालू आर्थिक वर्षको पहिलो त्रैमासको वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आर्थिक वर्षको पहिलो त्रैमासको तुलनामा चालू आर्थिक वर्षको सोही अवधिमा ७१ दशलमव ९७ प्रतिशतले घटेको छ ।
गत आर्थिक वर्षमा कम्पनीले ३ करोड ३४ लाख खुद नाफा आर्जन गरेको थियो । चालु आथिृक वर्षको यस अवधिमा कम्पनीले ९३ लाख ७७ हजार रुपैयाँ नाफा आर्जन गरेको छ ।
गत आवमा कम्पनीको इम्पेयरमेन्ट चार्ज ३ करोड ४६ लाख रहेकोमा चालू आर्थिक वर्षमा बढेर ५ करोड ८४ लाख पुगेको छ । सोही कारण कम्पनीको सञ्चालन नाफा ७२ दशलमव ५१ प्रतिशत घटेको छ ।
त्यस्तै कम्पनीको खुद ब्याज आम्दानी पनि गत आवको तुलनामा चालू आर्थिक वर्षमा २१ दशलमव ४९ प्रतिशत घटेको छ । गत आवमा कम्पनीले रू १४ करोड ८८ लाख खुद ब्याज आम्दानी गरेकोमा चालू आर्थिक वर्षमा घटेर ११ करोड ६८ लाखमा झरेको छ ।
नाफा घटेसँगै कम्पनीको प्रतिशेयर आम्दानी पनि घटेको छ । गत आर्थिक वर्षमा कम्पनीको प्रतिशेयर आम्दानी ११ रुपैयाँ ८७ पैसा रहेकोमा चालू आर्थिक वर्षमा घटेर ३ रुपैयाँ १७ पैसामा झरेको हो । यस अवधिमा कम्पनीको प्रतिशेयर नेटवर्थ १५९ रुपैयाँ २३ पैसा रहेको छ ।
कम्पनीको चुक्ता पूँजी १ अर्ब १८ करोड रहेको छ । चालू आर्थिक वर्षको पहिलो त्रैमाससम्ममा कम्पनीले जगेडामा ६९ करोड ६० लाख र रिटेन्ड अर्निङमा ४९ लाख ४३ हजार सञ्चिति गरेको छ ।
