काठमाडौं । आरएसडिसी लघुवित्तले चालु आर्थिक वर्ष(८०/८१)को पहिलो त्रैमासको वित्तिय विवरण सार्वजनिक गरेको छ। प्रकाशित रिपोर्ट अनुसार कम्पनीको नाफा ६ दशमलव ६५ प्रतिशतले वृद्धि भएको छ । गत आर्थिक वर्षको पहिलो त्रैमासमा ३ करोड ८२ लाख नाफा कमाएको कम्पनीले चालु आवमा ४ करोड ७ लाख नाफा कमाएको छ ।
कम्पनीको खुद ब्याज आम्दानी भने घटेको छ । खुद ब्याज आम्दानी करीब ११ प्रतिशतले घट्दै ६ करोड ८१ लाख पुगेको छ । त्यस्तै संचालन नाफा ६ दशमलव ४४ प्रतिशतले वृद्धि हुँदै ५ करोड ८१ लाख पुगेको छ ।
८६ करोड ९५ लाख पुँजी भएको कम्पनीले ५ अर्ब ९० करोड सापटी लिएर ६ अर्ब ६६ करोड कर्जा प्रवाह गरेको छ ।
प्रकाशित तथ्यांक अनुसार कम्पनीको प्रति शेयर आम्दानी १८ रुपैयाँ ७६ पैसा र किताबी मूल्य १२६ रुपैयाँ ९३ पैसा छ ।
