काठमाडौं । सिटिजन्स म्युचुअल फण्ड अन्तर्गत सञ्चालित सिटिजन्स म्युचुअल फण्ड २ ले आफ्ना इकाईधनीहरुलाई प्रतिफल वितरण गरेको छ। फण्डले गत आर्थिक वर्षका लागि करसहित ८ प्रतिशतका दरले प्रतिफल वितरण गर्ने घोषणा गरेको थियो।
प्रतिफल वितरण प्रयोजनार्थ फण्डले भदौ १९ गते बुकक्लोज गरेको थियो। जस अनुसार फण्डले भदौ १८ गतेसम्म नेप्सेमा कारोबार भइ कायम इकाईधनीहरुको बैंक खातामा असोज ८ गतेदेखि सो दरमा प्रतिफल जम्मा गरेको हो। हितग्राही खातामा बैंक खाता अध्यावधिक नभएका इकाईधनीहरुलाई शिघ्र अध्यावधिक गराउन फण्डले आग्रह गरेको छ।
