काठमाडौं । राष्ट्रिय बीमा संस्थानले आफ्ना ग्राहकहरुलाई ग्राहक पहिचान (केवाइसी) विवरण अद्यावधिक गर्न आग्रह गरेको छ । संस्थानमा चालु रहेका बीमालेखहरुको केवाइसी सम्बन्धी विवरण अद्यावधिक गर्नुपर्ने भएकोले सम्पूर्ण बीमितहरुलाई आवश्यक कागजात सहित कम्पनीमा सम्पर्क गर्न आग्रह गरेको हो ।
केवाइसी भर्नका लागि बीमितले पासपोर्ट साइजको फोटो १ प्रति, बीमितको नागरिकता प्रमाणपत्रको फोटोकपी १ प्रति र इच्छाएको व्यक्तिको नागरिताको प्रमाणपत्रको फोटोकपी १ प्रति कागजात आवश्यक हुने जनाएको छ । कम्पनीले तोको उक्त कागजात सहित कम्पनीको प्रधान कार्यालय तथा शाखा कार्यालयमा बीमितहरुले सम्पर्क गर्नुपर्नेछ ।
