काठमाडौं । भारतमा वन्यजन्तु आरक्ष घुमघाम गर्न जाने पर्यटकका लागि समेत बीमा सेवा शुरु भएकाे छ। दक्षिण भारतकाे कर्णाटक राज्य अन्तर्गतकाे विश्व प्रसिद्ध बन्दीपुर बाघ आरक्ष र नगराहाेल बा आरक्षमा यस्ताे सेवा शुरु गरिएकाे हाे ।
आरक्ष व्यवस्थापनले राेमाञ्चक जंगल यात्राका लागि आउने पर्यटकलाई वन्यजन्तुकाे आक्रमणबाट हुनसक्ने संभाव्य नाेक्सानीकाे आर्थिक क्षतिपूर्ती उपलब्ध गराउनका लागि बीमा सम्बन्धी सेवा शुरु गरेकाे हाे । भारतीय सञ्चारमाध्यमका अनुसार १ कराेड भारतीय रुपैयाँ बीमांककाे बीमालेखका लागि आरक्षले ८० हजार बीमाशुल्क भुक्तानी गरेकाे छ। बीमा सेवाका लागि सरकारी स्वामित्वकाे युनाइटेड इण्डिया एस्याेरेन्ससँग सम्झाैता गरेकाे हाे ।
