काठमाडाैं । बंगलादेशी बीमा नियामक आईडीआरएले जीवन तथा निर्जीवन बीमा कम्पनीलाई अनलाइन माध्यमबाट तालिम सञ्चालनमा राेक लगाएकाे छ । अनलाइन तालिमकाे आवरणमा तालिममा सहभागी नै नभएकाे व्यक्तिलाई समेत अभिकर्ता इजाजत पत्रका लागि बीमा कम्पनीले सिफारिश गर्न थालेपछि नियामकले तालिम सञ्चालनमै प्रतिबन्ध लगाएकाे हाे ।
बंगलादेशमा बीमामा पहुँच बिस्तारका लागि अभिकर्ताकाे संख्या बढाउन अनलाइन तालिम सम्बन्धी प्रावधान २०२० देखि लागू भएकाेमा अनलाइन तालिमले विकृती ल्याएकाे निष्कर्ष सहित नियामकले रद्ध गरेकाे हाे । नेपालमा केही जीवन बीमकले अनलाइन सफ्टवेयर तयार पार्दै भाैतिक उपस्थितिबिना नै इलर्निङ प्लेट फर्ममार्फत् तालिमकाे लागी आवेदन दिने, सहभागीता जनाउने, परिक्षामा सहभागी हुने र तालिम प्रमाण पत्र प्राप्त गर्ने विधिकाे प्रयाेगमा ल्याउँदैछन् । नेपाल बीमा प्राधिकरणले समेत अभिकर्ता इजाजत पत्रका लागी अनलाइन माध्यमबाट परिक्षा सञ्चालन गर्ने तयारी गरिरहेकाे छ।
बीमा अभिकर्ताका लागि अनिवार्य तालिम कार्यक्रम सञ्चालनमा पारदर्शिता र गुणस्तर सुनिश्चित गर्न बंगलादेशी नियामकले ५ बुँदे निर्देशिका जारी गरेको छ । प्राधिकरणका अधिकृत तालिमी संस्थाहरूले बीमा अभिकर्ताका लागि अनिवार्य तालिम कार्यक्रम सञ्चालन गर्दा पारदर्शिता र गुणस्तर सुनिश्चित गर्न देहायका निर्देशनहरू पालना गर्नुपर्ने परिपत्रमा उल्लेख छ ।
निर्देशनहरूमा समावेश गरिएका बुँदाहरूः
तालिम पाठ्यक्रमकाे शीर्षक, अवधि र तालिमको तालिका, स्थान, प्रशिक्षार्थीको संख्या र मूल्याङ्कन विधि प्रशिक्षण सुरु हुनुभन्दा कम्तिमा ७ दिन अघि पूर्व स्वीकृतिको लागि बीमा विकास र नियामक प्राधिकरणमा पठाउनु पर्नेछ;
पूर्व स्वीकृति बिना सञ्चालन गरिएकाे प्रशिक्षण कार्यक्रमलाई शून्य मानिनेछ;
योग्य प्रशिक्षकहरूद्वारा प्रशिक्षण प्रदान गर्नुपर्नेछ र प्रशिक्षककाे सूची तयार पार्नुपर्नेछ;
अभिकर्ता प्रशिक्षण कार्यक्रमहरू अनलाइन सञ्चालन गर्न पाइनेछैन। अनलाइन अभिकर्ता तालिम सम्बन्धी प्राधिकरणको मिति २२ सेप्टेम्बर २०२० को परिपत्र रद्ध गरिएको छ।
