काठमाडौं । नेशनल लाइफ इन्स्योरेन्स कम्पनीले आर्थिक वर्ष २०७९ /८०को चौथो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार नाफामा सामान्य प्रभावित भएता पनि अधिकांश सूचकमा बृद्धि देखिएको छ । नेशनल लाइफले बीमा प्राधिकरणले तोको चुक्ता पूँजी समेत कायम गरि बलियो बनेको छ । लाइफ इन्स्योरेन्स कम्पनीहरुको नाफा एक्चुअरी भ्यालुएशनपछि बास्तविक नाफा आउनेछ । त्यसकारण यस कम्पनीको नाफा अहिले सामान्य प्रभावित भएका पनि पछि बढ्न सक्ने सम्भावना रहेको छ ।
५ अर्ब १ करोड रुपैयाँ चुक्ता पूँजी भएको कम्पनीको जगेडा कोषमा ४० करोड ७९ लाख रुपैयाँ संचिती रहेको छ । अघिल्लो आर्थिक वर्षको सोही अवधिमा कम्पनीको जगेडा कोषमा १ अर्ब ५ करोड ६३ लाख रुपैयाँ संचिती थियो । अघिल्लो वर्षको तुलनामा कम्पनीको जगेडा कोषमा संचिती रकम घटेको हो ।
समिक्षा अवधिमा कम्पनीको जीवन बीमा कोषको आकार बृद्धि १८ प्रतिशतले भई ६० अर्ब २५ करोड १५ लाख ९१ हजार पुगेको छ भने अघिल्लो वर्षको यसै अवधिमा कम्पनीको बीमा कोष ५० करोड ८० लाख थियो । कम्पनीको महा विपत्ती कोषमा ४८ करोड ८२ लाख संचिती छ ।
यस अवधिमा कम्पनीले ३६ करोड ४५ लाख रुपैयाँ खुद नाफा आर्जन गरेको छ । अघिल्लो वर्षको सोही अवधिमा कम्पनीले ७३ करोड ९२ लाख नाफा आर्जन गरेको थियो । अघिल्लो वर्षको तुलनामा कम्पनीको नाफा ५० प्रतिशतले घटेको छ ।
समिक्षा अवधिमा कम्पनीले १५ अर्ब ९७ करोड ११ लाख रुपैयाँ खुद बीमा शुल्क आर्जन गरेको छ । अघिल्लो वर्षको यसै अवधिमा कम्पनीले १४ अर्ब ११ करोड ५७ लाख रुपैयाँ खुद बीमा शुल्क आर्जन गरेको थियो । अघिल्लो वर्षको सोही अवधिको तुलनामा कम्पनीको खुद बीमा शुल्क आर्जन १३ प्रतिशतले बढेको हो ।
यस अवधिमा कम्पनीले ७ अर्ब ८१ करोड ५१ लाख रुपैयाँ खुद दाबी भुक्तानी गरेको छ । अघिल्लो वर्षको यसै अवधिमा कम्पनीले ६ अर्ब ४ करोड ३३ लाख दाबी तिरेको थियो । भुक्तानी हुन बाँकी दाबी ८२ करोड ३ लाख रुपैयाँ रहेको छ ।
यस अवधिमा कम्पनीको प्रति शेयर आम्दानी ७ रुपैयाँ २७ पैसा रहेको छ । प्रति शेयर नेटवर्थ ११७ रुपैयाँ ४८ पैसा रहेको छ ।
