काठमाण्डौं । भारतमा वस्तु तथा सेवा कर (जीएसटी) छलीको अनुसन्धान एजेन्सीले नोभेम्बरसम्ममा ३० वटा बीमा कम्पनीमाथि अनुसन्धान पूरा गर्ने घोषणा गरेको छ ।
जिएसटी अनुसन्धान महानिर्देशनालयले यसअघि नै १५ वटा बीमा कम्पनीमा अनुसन्धान पुरा गरिसकेको छ। अनुसन्धानका क्रममा ती बीमा कम्पनीहरुले भारु ३५ हजार करोड कर छली गरेको फेला परेको अनुमान गरिएको छ ।
महानिर्देशनालयले थप १५ वटा कम्पनीलाई कर छली अनुसन्धान सम्बन्धमा छानबिनका लागी सूचना पठाउने प्रकृयामा रहेको द टाइम्स अफ इण्डियाले उल्लेख गरेको छ । अनुसन्धान सम्पन्न भएका मुद्दामा करको अधिकांश अंश असुली भइसकेको छ ।
