काठमाडौं । नेपाल बीमा प्राधिकरणले नेपाल लाइफलाई कर्मचारी विनियमावली संशोधन गर्न निर्देशन दिएको छ । प्राधिकरणले सात दिन भित्र संशोधित विनियमावलीमा यस भन्दा अगाडी कर्मचारीहरुले खाइपाइ आएको सुविधा नघट्ने संशोधन गरेर पेश गर्न निर्देशन दिएको हो ।
कम्पनीले नेपाल बीमा प्राधिकरणको स्वीकृति विनानै सञ्चालक समितिबाट विनियमावली पारित गरि कार्यान्वयन गरेको थियो । कर्मचारीहरुले खाइपाइआएको सेवा सुविधा नै कटौती गरेपछि कर्मचारीहरुले बीमा प्राधिकरणमा उजुरी दिएका थिए ।
श्रम ऐन विपरित कम्पनीको कर्मचारी नियमावली संशोधन भएको थियो । कर्मचारीको सेवा सुविधा कटौती गर्ने क्रममा किरिया विदाको अवधि समेत घटाइएको छ । कम्पनीले आफुखुसी विनियमावली संशोधन गरे पछि कर्मचारीहरुले कम्पनीमा संशोधनको माग गरेका थिए । कम्पनीले कर्मचारीको आवाज नसुने पछि उनिहरु प्राधिकरण पुगेका छन् ।
प्राधिकरणले पनि उनिहरुको आजाव सुनुवाइ गर्दै खाइपाइआएको सेवा सुविधा भन्दा नघटाउने गरी विनियमावली संशोधन गरेर प्राधिकरणमा सात दिन भित्र पेश गर्न निर्देशन दिइएको छ । कर्मचारी युनियनको सुझावलाई वेवास्था गर्दै उच्च व्यवस्थापन तथा सञ्चालकहरुले मनलाग्दी काम गरिरहेका छन् ।
यो पनि पढ्नुहोस्
श्रम ऐन विपरित नेपाल लाईफको कर्मचारी नियमावली संशोधन, किरिया बस्नेलाई १३ दिन मात्रै बिदा
