काठमाण्डाैं । स्वास्थ्य बीमा सेवामा भइरहेकाे फर्जी दाबी नियन्त्रण गर्नका लागी भारत सरकारको सहयोगमा स्वास्थ्य प्राधिकरणले एकीकृत सूचना प्रविधि प्रणाली प्रयाेगमा ल्याउँदैछ। आगामी अगस्ट महिनादेखि हेल्थ क्लेम एक्सचेन्ज प्रयाेगमा ल्याउन लागिएको हो ।
द इन्डियन एक्सप्रेसका अनुसार राष्ट्रिय स्वास्थ्य प्राधिकरणले स्थापना गरेको हेल्थ एक्सचेन्ज प्लेटफर्मले स्वास्थ्य बीमा दाबी फाइल गर्ने प्रक्रियालाई विद्युतीयमाध्यमबाट सरल बनाउनेछ। प्रस्तावित प्रक्रिया द्रुत र झन्झटमुक्त मात्र नभएर बीमकको लागि प्रति दाबी लागत पनि घटाउनेछ। बीमित र अस्पतालहरूले दाबीको प्रगती इन्टरनेटकाे माध्यमबाट नै जानकारी लिन सक्छन्। प्लेटफर्मले दावी रकमको स्वचालित रकम भुक्तानीलाई पनि सक्षम बनाउँछ।
प्रस्तावित एक्सचेन्ज दाबी र बीमितहरुको चिकित्सा उपचार इतिहासको लागि एक एकीकृत प्लेटफर्म हुनेछ, जसले बीमामा ठगीलाई निरुत्साहित गर्न मद्दत गर्नेछ। कुनै बीमक वा बीमितले दर्ता गरेकाे दाबी निवेदन र कागज प्रमाणहरु सबै यो मञ्चमा समावेश हुनेछ । सम्बन्धित बीमक वा बीमा नियामक वा स्वास्थ्य प्राधिकरणका साथै बीमितले समेत यसमा रहेकाे जानकारी जुनसुकै समयमा जुनसुकै ठाउँबाट प्राप्त गर्न सक्नेछन् । आधार कार्ड नम्बरको आधारमा बीमा दाबीकाे तथ्यांक राखिने भएकाले यसमा एक पटक जानकारी प्रविष्टी गरिसकेको बीमितको जानकारी आजीवन खोज्न, अध्ययन गर्न वा नयाँ दाबी परेको अवस्थामा पुरानो दाबी र स्वास्थ्य विवरणहरु समेत एकैसाथ हेर्न सकिने सुविधा उपलब्ध रहनेछ।
यसैगरी भारतीय बीमा नियामक तथा विकास प्राधिकरण (IRDAI) ले सूचना प्रविधिमा आधारित बीमा सुगम नामक बीमा योजना खरिद गर्ने एकीकृत सूचना प्रणाली समेत प्रयोगमा ल्याउन लागेको छ। बीमा उत्पादन र सेवाहरूको लागि बीमा सुगम सबैभन्दा ठूलो अनलाइन बजार हुनेछ। IRDAI ले प्लेटफर्मको लागि सेवा प्रदायक नियुक्त गर्न चाँडै प्रस्तावहरूको अनुरोध जारी गर्ने योजना बनाएको छ। सेवा प्रदायकहरू सबै बीमा सेवाहरू एउटै प्लेटफर्ममा उपलब्ध गराउन प्लेटफर्म सिर्जना र सञ्चालन गर्न प्राविधिक साझेदार हुनेछन्।
