काठमाडौं । साविक सूर्या लाइफका प्रमुख कार्यकारी अधिकृत पवन कुमार खड्काले सूर्या लाइफबाट वार्षिक ७६ लाख ८४ हजार रुपैयाँ बराबरको तलब भत्ता लगायतको सुविधा लिएका छन् । उनले गत आर्थिक वर्ष २०७८/७९ मा वार्षिक तलब भत्ता बापत ७३ लाख १५ हजार रुपैयाँ बुझेका छन् ।
उनले यस बाहेक तीन लाख ५० हजार रुपैयाँ इन्सेन्टिभ र दुर्घटना बीमा बापत १८ लाख ८८२ रुपैयाँ प्रिमियम प्राप्त गरेका छन् । मर्जर सँगै खड्का सूर्यज्योति लाइफको वरिष्ठ नायब प्रमुख कार्यकारी अधिकृत भएका छन् । उनले साविक सूर्या लाइफमा खाइपाइ आएको तलब सुविधा प्राप्त गर्ने छन् ।
साविक सूर्या लाइफका सञ्चालकहरुले बैठक भत्ता बापत गत आर्थिक वर्षमा २२ लाख २६ हजार रुपैयाँ बुझेका छन् । त्यस्तै मासिक भत्ता बापत ८ लाख ४० हजार रुपैयाँ लिएका छन् । लेखापरीक्षक तथा अन्य समितिलाई बैठक भत्ता बापत १३ लाख ५९ हजार रुपैयाँ र मर्जर समितिलाई २ लाख ८८ हजार रुपैयाँ भुक्तानी गरिएको छ । प्रवन्धक तथा सो भन्दा माथिका अन्य पदाधिकारीहरुलाई पारिश्रमिक, भत्ता तथा अन्य सुविधा बापत २ करोड ९६ लाख ४३ हजार ९४२ रुपैयाँ भुक्तानी गरिएको छ ।
