धनगढी। सुदुरपश्चिमको धनगढीमा बीमा प्राधिकरणको ५५औं बार्षिको उत्सबको समापन समारोहमा निप्स सुदुरपश्चिमको गठन भएको छ । नेपाल बीमा प्राधिकरण सुदुरपश्चिमका सहायक निर्देशक प्रेम हरी पोख्रेल र दिपक ज्ञवालीको उपस्थितिमा एशियन लाइफका लोक राज जोशीको अध्यक्षता ११ सदस्यीय कार्य समिति गठन गरिएको हो ।
उक्त निप्स समितिको उपाध्यक्षमा सूर्यज्योती लाइफका जगदिस प्रसाद भट्ट र सन नेपाल लाइफका लक्ष्मी कान्त जैसी रहेका छन् । कोषाध्यक्षमा प्रभु लाइफकी संगिता न्यौपाने सचिवमा महालक्ष्मी लाइफका हर्क बहादुर बोहरा रहेका छन् । त्यस्तै, सह सचिवमा हिमालयन लाइफका तारा सिह बम र सदस्य हरूमा रिलाइबल लाइफका चन्द्र बहादुर बिष्ट ,नेपाल लाइफका दिपक भट्ट आइएमई लाइफका प्रेम लाल राना ,सानिमा रिलायन्सका महेन्द्र बि.क सिटिजन लाइफका गंगा राम जोशी चयन भएका छन ।
साथै, सानिमा रिलायन्स लाइफका गणेश उप्रेतीको अध्यक्षतामा सल्लाहकार समिति गठन गरिएको जानकारी नरेश भट्टले जानकारी दिए ।
