काठमाडौं । राष्ट्रिय परीक्षा बोर्डले कक्षा ११ को वार्षिक परीक्षा तालिका सार्वजनिक गरेको छ । बोर्डका अनुसार कक्षा ११ को परीक्षा जेठ महिनामा संचालन हुनेछ । बोर्डले पुराना विद्यार्थीको हकमा मात्र परीक्षाको कार्यतालिका सार्वजनिक गरेको हो ।
बोर्डले रजिष्ट्रेसन नम्बरको सुरुको दुई अंक ७२ ७३ ७४ ७५ र ७६ भएका विद्यार्थीहरुको वार्षिक परीक्षा जेठ ९ देखि १८ गतेसम्म सञ्चालन हुनेछ । परीक्षा बिहान ८ बजेदेखि ११ बजेसम्म सञ्चालन हुनेछ ।
माथि उल्लेख भएका रष्ट्रिेशन नम्बर बाहेकका विद्यार्थीको परीक्षा भने सम्बन्धित विद्यालयले नै लिने बोर्डले जनाएको छ । बोर्डका अनुसार जेठ १५ देखि असार १५ गतेभित्र परीक्षा सकाउनुपर्ने छ ।
