एशियन लाइफ इन्स्योरेन्सको ६० प्रतिशत हकप्रद सेयर भर्ने आइतबार २९ गते (आज) अन्तिम दिन हो । कम्पनीले गत चैत २५ गतेदेखि १ः०.६ अनुपात ६० प्रतिशत मा ७५ लाख ४० हजार ३५२.७३ कित्ता हकप्रद खुला गरेको हाे ।
एसियनको यस हकप्रदमा फागुन २१ गतेसम्म कायम रहेका सेयरधनीले आवेदन दिन सक्नेछन् । कम्पनीको बिक्री प्रबन्धकको काम एनआइबीएल एस क्यापिटलले गरेको छ । एसियन लाइफको केन्द्रीय कार्यालय, शाखा कार्यालयहरु र सि–आस्वाबाट पनि आवेदन दिन पाइनेछ ।
हाल यसको चुक्ता पूँजी १ अर्ब २५ करोड ६७ लाख २५ हजार रुपैयाँ छ । हकप्रद बिक्रीपछि पूँजी २ अर्ब १ करोड भन्दा धेरै पुग्नेछ । कम्पनीको प्रतिसेयर आम्दानी ४ रुपैयाँ ३९ पैसा रहेको यस कम्पनीको प्रतिसेयर नेटवर्थ १२० रुपैयाँ ९६ पैसा छ ।
