काठमाडौं । गुराँस लाइफ इन्स्योरेन्स कम्पनीले चालु आर्थिक वर्ष २०७९/८० को दोस्रो त्रैमाशिक अवधिमा ६१ प्रतिशतले मुनाफा बढाउन सफल भएको छ । कम्पनीले यस अवधिमा १२ करोड ७५ लाख रुपैयाँ मुनाफा आर्जन गरेको छ । गत वर्षको यहि अवधिमा ७ करोड ८९ लाख रुपैयाँ मुनाफा आर्जन गरेको थियो ।
त्यस्तै खुद बीमा शुल्क आर्जन भने ११ प्रतिशतले गिरावट आएको छ । समिक्षा अवधिमा जम्मा एक अर्ब ४२ करोड रुपैयाँ खुद बीमा शुल्क आर्जन गरेको गुराँसले गत वर्षको यहि अवधिमा जम्मा एक अर्ब ६० करोड रुपैयाँ आर्जन गरेको थियो । अभिकर्ताले १४ करोड २६ लाख रुपैयाँ कमिशन प्राप्त गरेका छन् ।
कम्पनीले यस अवधिमा ५८ करोड ८४ लाख रुपैयाँ खुद दाबी भुक्तानी गरेको छ । गत वर्षको यहि अवधिमा ८७ करोड ७३ लाख रुपैयाँको दाबी भुक्तानी गरेको थियो । कम्पनीकव जीवन बीमा कोष १९ प्रतिशतले बढेको छ । यस्तो कोषमा १३ अर्ब ६५ करोड रुपैयाँ जम्मा भएको छ । गत वर्षको यहि अवधिमा ११ अर्ब ४८ करोड थियो ।
चुक्ता पूँजी २ अर्ब २३ करोड पुगेको छ । जगेडा कोषमा ५४ करोड ७१ लाख रुपैयाँ जम्मा भएको छ । प्रतिशेयर आम्दानी ११ रुपैयाँ रहेको कम्पनीको प्रतिशेयर नेटवर्थ १२८ रुपैयाँ छ ।
