लाइफ इन्स्योरेन्स कर्पोरेशन (एलआईसी) नेपालद्वारा आर्थिक वर्ष २०७४/७५ बाट लागु हुने गरी आफ्ना बीमितहरुलाई नयाँ बोनसदर घोषणा गरेको छ । कम्पनीले सवै बीमा पोलिसीहरुमा बीमा अवधि अनुसार न्युनतम् बोनसदर ६६ रुपैयाँ देखि अधिकतम् ८५ रुपैयाँ सुनिश्चित लाभ सम्म कायम गरेको छ ।
कम्पनीमा कम्तीमा ५ वर्ष र वढीमा २५ वर्ष अवधिका बीमा योजनाहरु छन् । ५ वर्ष अवधिका सवै बीमालेखमा ६६ रुपैयाँ बोनस, २० वर्ष अवधिको जीवन तरङ्ग (पेन्सन) योजनामा ७७ रुपैयाँ बोनस र ५ वर्ष अवधिको जीवन आस्था योजनामा ८५ रुपैयाँ सुनिश्चित लाभ प्रदान गरिनेछ ।
बीमितहरुका लागि यो बोनसदर नेपालको जीवन बीमा क्षेत्रकै ऐतिहासिक एवं सर्वाधिक बोनसदर रहेको कम्पनीले जानकारी दिएको छ ।
