काठमाडौं । दिव्यश्वरी हाइड्रोपावर लिमिटेडले पुस २७ गते सातौं, आठौं, नवौं र दशौं वार्षिक साधारण सभा बोलाएको छ। कम्पनीले स्काई दरबार ब्याङ्कवेट, सिंहदरबार, काठमाडौँमा उक्त सभा गर्ने जनाएको छ । सभा बिहान ११ बजे शुरु हुनेछ।
सभाले पछिल्लो ४ आर्थिक वर्षको वित्तीय विवरण स्वीकृत गर्ने, लेखापरीक्षक नियुक्त गर्ने, साधारण सभा नहुँदाको अवस्थामा सञ्चालकको पदावधी सम्बन्धमा सञ्चालक समितिले गरेको निर्णय अनुमोदन गर्ने, समूह क र ख बाट प्रतिनिधित्व गर्ने सञ्चालकहरुको मनोनय वा निर्वाचन प्रक्रियाबाट पदपूर्ति गर्ने लगायतका प्रस्तावहरु पारित गर्नेछ।
साधारण सभा प्रयोजनका लागि कम्पनीले पुस १४ गतेदेखि २७ गतेसम्म बुकक्लोज गर्ने भएको छ। यस अनुसार पुस १३ गतेसम्म नेप्सेमा कारोबार भइ कायम शेयधनीहरुले कम्पनीको साधारण सभामा सहभागिता जनाउन सक्नेछन्।
