काठमाडौं । हिमालयन उर्जा विकास कम्पनी लिमिटेडले बाइसौँ वार्षिक साधारण सभा पुस २९ गते गर्ने भएको छ । उक्त सभा शुक्रबार, अर्पण ब्याङ्कवेट, थापागाउँ, नयाँ बानेश्वर, काठमाडौँमा बिहान ११ बजे शुरु गर्ने जनाएको छ ।
सभाले गत आर्थिक वर्षको नाफा नोक्सान, हिसाब नगद प्रवाह लगायतका वित्तीय सूचकहरु छलफल गरी पारित गर्नेछ । सभाले सुमन शर्मा चौलागाईंलाई बाँकी कार्यकालको लागि सञ्चालक पदमा नियुक्त गरिएकोले सो अनुमोदन गर्ने, लेखापरीक्षक नियुक्त गर्ने, गत आर्थिक वर्षको वित्तीय विवरण स्वीकृत गर्ने लगायतका प्रस्तावहरु पारित गर्नेछ।
साधारण सभा प्रयोजनका लागि कम्पनीले पुस १८ गते बुकक्लोज गर्ने भएको छ। यस अनुसार पुस १७ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा भाग लिन पाउनेछन् ।
