काठमाडौं । बुद्ध एयरले आजबाट काठमाडौं सुर्खेतको उडान एटीआर ७२ जहाजबाट सुरु गरेको छ । यस उडानले सुर्खेत र कर्णाली प्रदेशको यात्रामा थप सहज र सरल भूमिका खेल्ने कम्पनीले जनाएको छ ।
हाल यस रुटमा कम्पनीले एटीआर ४२ जहाजबाट उडान भर्दै आइरहेको छ । एटिआरमा सिट संख्याको उपलब्धता कम भएकोले यात्रुको माग अनुरुप एटिआर ७२ को उडान सुरु गर्न लागिएको कम्पनीले जनाएको छ ।
कम्पनीका अनुसार आजबाट दैनिक विहान १० बजे काठमाडौंबाट सुर्खेत र ११ः३५ बजे सुर्खेतबाट काठमाडौंको लागि जहाज उड्ने कम्पनीले जनाएको छ ।
