काठमाडौं । राधी विद्युत कम्पनीको अवितरित हकप्रद शेयर बाँडफाँड भएको छ । बिक्रि प्रबन्धक मुक्तिनाथ क्यापिटलका अनुसार उक्त शेयर मंसिर १६ गते बाँडफाँड गरिएको हो। हकप्रदमा नपरेको पैसा मंसिर २० गतेदेखि आवेदकहरुले आफ्नो आवेदन फाराममा उल्लेख गरेको को बैंक खातामा फिर्ता गरिने क्यापिटलले जनाएको छ ।
कम्पनीले कार्तिक २९ गतेदेखि मंसिर ८ गतेसम्म सर्बसाधारण समुहको १३ लाख ५ सय २७ दशमलव ९९ कित्ता शेयर लिलाममा ल्याएको थियो । उक्त शेयर बाँडफाँड गरेको हो ।
लिलामीको शेयरको कट अफ मूल्य १९५ रुपैयाँ कायम भएको क्यापिटलले जनाएको छ । १९५ भन्दा माथि कबुल गर्ने सबैले शेयर पाएका छन् । १९५ रुपैयाँमा कबुल गर्नेले सापेक्षिक भार अनुसार समानुपातिक रुपमा शेयर पाएका छन् ।
हकप्रद शेयर बाँडफाँड भएसँगै अब कम्पनीको हकप्रद शेयर नेपाल स्टक एक्सचेन्ज नेप्सेमा सुचिकृत भई लगानीकर्ताको डिम्याट खातामा आएपछि दोस्रो बजारमा खरिदविक्री गर्न सकिने छ ।
