काठमाडौं । प्रभु लाइफ इन्स्योरेन्सले चालु आर्थिक वर्ष (७९/८०) को पहिलो त्रैमासको वित्तीय विवरण सार्वजनिक गरेको छ । सार्वजनिक गरिएको वित्तीय विवरण अनुसार कम्पनीले प्रथम तीन महिनामा ५१ करोड २१ लाख खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ५५ करोड ६३ लाख खुद बीमा शुल्क आर्जन गरेको थियो । समिक्षा अवधिमा खुद बीमा शुल्क आर्जनमा ७ दशमलव ९३ प्रतिशतको गिरावट देखिएको छ ।
चालु आर्थिक वर्षको पहिलो त्रैमाससम्म कम्पनी ३ करोड ३९ लाख रुपैयाँ खुद नाफामा रहेको छ । गत आर्थिक वर्षको प्रथम त्रैमाससम्म कम्पनी ३ करोड ३१ लाख मात्र नाफामा थियो । नाफा २ दशमलव ४४ प्रतिशतले वृद्धि भएको छ ।
२ अर्ब चुक्ता पुँजी भएको यस कम्पनीको जगेडामा ५२ करोड ७५ लाख संचित छ । समिक्षा अवधिमा जगेडा कोष २४ प्रतिशतले वृद्धि भएको छ । जीवन बीमा कम्पनीको लागि एकदमै महत्वपूर्ण जीवन बीमा कोष ४० दशमलव ६६ प्रतिशतले वृद्धि हुँदै ३ अर्ब २४ करोड पुगेको छ ।
कम्पनीका अनुसार कम्पनीले २१ करोड ६ लाख खुद दावी भुक्तानी गरेको छ भने ५० लाख दावी भुक्तानी गर्न बाँकी छ ।
प्रकाशित तथ्याङ्क अनुसार प्रति शेयर आम्दानी ६ रुपैयाँ ७९ पैसा र प्रति शेयर नेट्वर्थ १२८ रुपैयाँ ३० पैसा छ ।
