काठमाडौं। भारतीय रेलवे खानपान र पर्यटन निगम (आइआरसिटिसि) लिमिटेडले दक्षिण भारतको विशाखापट्टनमबाट नेपालको धार्मिक तथा पर्यटकीयस्थलको लागि विशेष अन्तर्राष्ट्रिय हवाई प्याकेज यात्रा सुरु गरेको छ।
“नेपालको प्राकृतिक सौन्दर्य” नामको पाँच रात र छ दिनको भ्रमणले काठमाडौंको पशुपतिनाथ मन्दिर, बौद्धनाथ स्तुपा, पाटन दरबार स्क्वायर, तिब्बती शरणार्थी केन्द्र, स्वयम्भूनाथ स्तुपाको साथै पोखराको बिन्ध्यवासिनी मन्दिर, डेभिल्स फल र पोखराको गुप्तेश्वर महादेव गुफालाई समेट्नेछ।
यो भ्रमण नोभेम्बर २४ मा शुरु भएर नोभेम्बर २९ मा समापन हुनेछ। एकलको लागी प्रति व्यक्ति लागत भारु ५८,१५०, दुईजनाको लागि प्रति व्यक्ति भारु ४९,४९९ र एउटा कोठामा ३ जना सुत्ने गरी प्रति व्यक्ति भारु ४८,५१० को प्याकेज घोषणा गरिएको आइआरसिटिसिको वेबसाइटमा उल्लेख छ।
प्याकेजमा विशाखापट्टनमदेखि काठमाडौं र फिर्तीको हवाई उडानको टिकट, पाँचवटा बिहानको नास्ता र पाँच रातको खाना, एसी डिलक्स कोचबाट सबै स्थानमा ल्याउने पुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुर्याउने, पर्यटकीय स्थलको प्रवेश शुल्कसहितको भ्रमण र ६० वर्ष मुनिका व्यक्तिहरूको लागि यात्रा बीमा समावेश गरिएको प्रेस विज्ञप्तिमा उल्लेख छ।
