बीमा कम्पनीहरुले नामको भरमा मात्रै पनि अभिकर्ताको एजेण्ट कोड जारी गरेका छन् । अभिकर्ता संख्या बढाउँने होडमा कम्पनीहरुले कागजपत्र बिनानै मानिसलाई नामकै आधारमा एजेण्ट कोड वितरण गरेको पाईएको छ ।
बीमा अभिकर्ता बन्नको लागी ७२ घण्टाको तालिम लिएको हुनुपर्नेछ । कम्तिमा पनि एसएलसी उर्तिण गरेको हुनुपर्नेछ । यस अघि बीमा समितिले नै अभिकर्ताको तालिम सञ्चालन गथ्र्यो । तर, समितिले अहिले तालिम सञ्चालनको जिम्मा कम्पनीहरुलाई नै दिएको छ । फलस्वरुप कम्पनीहरुले तालिम मात्रै हैन नाम कै भरमा एजेण्ट कोड वितरण गरिहेका छन् । हालै सञ्चालनमा आएको नयाँ जीवन बीमा कम्पनीको हजारौँ अभिकर्ताको कागजपत्र नभएको भेटिएको एक कर्मचारीले बताए । यो प्रतिनिधि घटना मात्रै हो ।
बीमा समितिले अनुगमन गर्न नसक्दा यस्तो खालको विकृति बढेको पेशागत बीमा अभिकर्ता संघका अध्यक्ष नन्द प्रसाद तिवारले बताए । उनका अनुसार कम्पनीहरुले घर घरमा पुगेर लाईसेन्स वितरण गरेका छन् । यस्तो अवस्था रही रहे नेपालको जनसंख्या भन्दा पनि अभिकर्ताको संख्या बढी हुने तिवारी बताउँछन् ।
