काठमाडौं । बीमा समितिले आज बिहिबार रिलायबल नेपाल लाइफ इन्स्योरेन्स कम्पनीको आर्थिक वर्ष २०७७/७८ को वित्तीय विवरण स्वीकृत गरेको छ । बीमा समितिले वित्तीय विवरण स्वीकृत गरे सँगै साधारणसभा आह्वान गर्ने बाटो खुला भएको छ ।
कम्पनीले यस भन्दा अगाडी एक्चुरियल मूल्याङ्कन स्वीकृत गराइ बीमितहरुका लागि बोनसदर घोषणा गरिसकेको छ । कम्पनीले संस्थापकहरु सँग थप रकम जुटाइसकेको छ । साधारणभाले अहिले विध्यमान पूँजीमा आधारित भएर यस पटक सर्वसाधारणका लागि ३० प्रतिशत आइपिओ निष्काशनको प्रस्ताव स्वीकृत गर्नेछ ।
रिलायबलले बीमा समितिले तोकेको पूँजी आफैले जुटाउने योजना बनाएको छ । कम्पनीले आइपिओ पछि सजिलै जगेडा कोषमा रहेको रकमलाई बोनस शेयर दिएर पूँजी जुटाउन सक्ने देखिन्छ । पुराना कम्पनीले पूँजी जुटाउन मर्जरको सहमति गरिरहदा रिलायबलले भने आफै पूँजी जुटाउने योजना बनाएको हो ।
