काठमाडौँ । मेटलाईफ र प्रिसमार्क मार्केटिङलाई विज्ञापन संघ नेपाल (आन) द्वारा आयोजित, १२ औं कृति अवार्ड २०७९ मा २ अवार्डद्वारा सम्मानित गरिएको छ । मेटलाइफले मेरो आत्मविश्वास, मेरो मेटलाईफ ब्राण्ड अभियानको लागि बेस्ट इभेन्ट/एक्टिभेसन (कांस्य) र उत्कृष्ट बीमा क्षेत्र अभियानमा, दुईवटा कृति अवार्ड जितेको छ । यस अवार्ड समारोहमा मेटलाईफ तीन विधामा मनोनयन भएको थियो ।
२ वटा अवार्ड प्राप्त गरे पश्चात मेटलाईफ नेपालका मार्केटिंग तथा संचार प्रमुख अंकित राजभण्डारीद्वारा क्षेत्रीय मार्केटिङ टोली, सम्बन्धित सहयोगीहरू र मेटलाईफ नेपालका क्रियेटिव एजेन्सी प्रिसमार्क मार्केटिङलाई यो ब्राण्ड अभियान सफलतापूर्वक कार्यान्वयन गर्न मद्दत गरेकोमा धन्यवाद ज्ञापन गरेका छन् । साथै आगामी दिनहरुमा पनि थप ग्राहकहरु सम्म पुग्न र सुरक्षा प्रदान गर्न यस्तै ब्रान्ड अभियानहरू सिर्जना गर्ने अपेक्षा जनाएका छन् ।
विज्ञापन सृजनात्मकता, प्राविधिक र अभियान विधा लगायत ३१ विधामा विगत २ वर्षका देशका उत्कृष्ट विज्ञापन/ब्रान्ड अभियानलाई पुरस्कृत गर्न विज्ञापन संघले यस कार्यक्रमको आयोजना गरेको थियो । यस वर्ष कृति अवार्डमा सबैभन्दा बढी सहभागिता देखिएको थियो । नेपालमा रहेका ४५ एजेन्सीहरूबाट कुल ४२५ प्रविष्टिहरू थिए ।
