काठमाडौं । एशियन लाइफ इन्स्योरेन्सले आर्थिक वर्ष २०७७/७८ को घोषणा गरेको लाभांश बीमा समितिले स्वीकृत गरेको छ । बीमा समितिले कम्पनीको उक्त प्रस्तावित लाभांश र वित्तीय विवरणलाई भदौ २० गते स्वीकृति दिएको कम्पनीले जनाएको छ । समितिले कम्पनीको प्रस्तावित लाभांशलाई स्वीकृति दिएसँगै अब साधारण सभाको बाटो खुलेको छ ।
कम्पनीको साउन २० गते बसेको संचालक समितिको बैठकले आर्थिक वर्ष २०७७/७८ को संचित नाफाबाट बितरण गर्नको लागि हाल कायाम चुक्ता पूँजी २ अर्ब ५३ करोड ९८ लाख ३५ हजारको १४.५०प्रतिशतले हुन आउने ३६ करोड ८२ लाख ७६ हजार ७५ रुपैयाँ बराबरको बोनश शेयर र कर प्रयोजनको लागि ०.७६ प्रतिशतले हुन आउने १ करोड ९३ लाख ८२ हजार ९ सय ५१ रुपैयाँ नगद गरु कुल १५ दशमलव २६ प्रतिशत लाभांश बितरण गर्ने प्रस्ताव गरेको थियो ।
कम्पनीको उक्त प्रस्ताव बीमा समितिबाट स्वीकृत भएसँगै अब कम्पनीको बार्षिक साधारण सभाले पारित गरेपछि लगानीकर्ताले पाउनेछन् ।
