काठमाडौं । नेपालमा पछिल्लो २४ घण्टामा थप २०२ जनामा कोरोना संक्रमण पुष्टि भएको छ । सोहि समय कोरोना संक्रमणका कारण थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार आज देशभरबाट कुल ३ हजार ८३३ जनामा कोरोना परिक्षण गरिएको थियो । जसमध्ये २हजार ६४ जनामा गरिएको आरटी पिसीआर परिक्षणमा १६४ जनामा संक्रमण पुष्टि भएको हो । साथै १ हजार ७६९ जनामा गरिएको एन्टिजेन परिक्षणमा ३८ जनामा संक्रमण पुष्टि भएको हो ।
सोहि समय ४६२ जना भने कोरोना संक्रमण मुक्त भएका छन् । साथै आज थपिएका संक्रमितसँगै नेपालमा सक्रिय कोरोना संक्रमितको संख्या ३ हजार ३१३ जना पुगेको छ ।
