काठमाडौं । आज बुधबार सुनको भाउ बढेको छ । हिजो मंगलबार तोलामा ९५ हजार रुपैयाँमा कारोबार भएको छापावाला सुन आज बुधबार तोलामा ३ सय रुपैयाँले बढेर प्रतितोला ९५ हजार ३ सय रुपैयाँमा कारोबार भइरहेको छ ।
त्यस्तै आज तेजाबी सुनको भाउ पनि तोलामा ३ सय रुपैयाँले बढेर प्रतितोला ९४ हजार ८ सय रुपैयाँमा कारोबार भइरहेको छ । आज चाँदीको भाउ तोलामा ५ रुपैयाँले बढेर प्रतितोला १ हजार १ सय ६५ रुपैयाँमा किनबेच भइरहेको नेपाल सुन चाँदी व्यवसायी महासंघले जनाएको छ ।
