काठमाडौं । आज साताको दोस्रो दिन पनि शेयर बजारमा गिरावट नै आएको छ । आज नेप्से परिसूचक ७ दशमलव ३८ अंकले घटेर २,०५३ दशमलव १६ को विन्दुमा कायम भएको छ ।
आज १ अर्ब ७२ करोड ६२ लाख ८७ हजार रुपैयाँको शेयर कारोबार हुँदा सबैभन्दा धेरै हिमाल दोलखा हाइड्रोपावर कम्पनीको शेयर कारोबार भएको छ । कम्पनीको २८ करोड १८ लाख रुपैयाँको शेयर कारोबार भएको छ । कम्पनीको शेयर मुल्य २३५ रुपैयाँ रहेको छ ।
त्यस्तै, रिडी पावर कम्पनीको ८ करोड ५० लाख रुपैयाँको शेयर कारोबार भएको छ । प्राइम कमर्सियल बैंकको ८ करोड ४० लाख रुपैयाँको शेयर कारोबार भएको छ । शिवम् सिमेन्टको ५ करोड ५३ लाख रुपैयाँको शेयर कारोबार भएको छ । अपि पावर कम्पनीको ५ करोड ५२ लाख रुपैयााको शेयर कारोबार भएको छ ।
