काठमाडौं । नेपाला पछिल्लो २४ घण्टामा थप ८५२ जनामा कोरोना संक्रमण पुष्टि भएको छ । सोहि समय ३२८ जना भने कोरोना मुक्त भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट ६ हजार ३८३ जनामा कोरोना परिक्षण गरिएको थियो । जसमध्ये ३ हजार ८७६ जनामा गरिएको आरटी पीसिआर परिक्षणमा ५३१ जना संक्रमित भेटिएका छन् । साथै २ हजार ५०७ जनामा गरिएको एन्टिजेन परिक्षणमा ३२१ जनामा कोरोना संक्रमण पुष्टि भएको मन्त्रालयले जनाएको छ ।
आज थपिएका संक्रमितसँगै नेपालमा सक्रिय संक्रमितको संख्या भने ५ हजार ४६२ जना पुगेको छ ।
