काठमाडौं । आज शेयर बजार नेप्से परिसूचक ५५ दशमलव ८८ अंकले बढेर २,०६५ दशमलव ८९ को विन्दुमा कायम भएको छ । आज सबै उपसूचकमा हरियाली छाएको छ । सबैभन्दा धेरै फाइनान्स उपसूचक ७ प्रतिशतले बढेको छ । आज १८० कम्पनीको शेयर मुल्य बढेको छ भने ४ कम्पनीको शेयर मुल्य घटेको छ ।
आज सबैभन्दा धेरै श्री इन्भेष्टमेन्ट फाइनान्स, मल्टिपर्पोज फाइनान्स कम्पनी, राद्यी विद्युत कम्पनीका लगानीकर्ताले कमाएका छन् । यी कम्पनीका लगानीकर्ताले १० प्रतिशतका दरले कमाएका छन् । रिभर फल्स पावर कम्पनीका लगानीकर्ताले ९ दशमलव ९९ प्रतिशतका दरले कमाएका छन् । पञ्चकन्यामाई हाइड्रोपावर कम्पनीका लगानीकर्ताले ९ दशमलव ९६ प्रतिशतका दरले कमाएका छन् ।
आज सबैभन्दा धेरै रिडी पावर कम्पनीका लगानीकर्ताले गुमाएका छन् । कम्पनीका लगानीकर्ताले ९ दशमलव ९९ प्रतिशतका दरले गुमाएका हुन् ।
