काठमाडौं । पछिल्लो २४ घण्टामा नेपालमा थप ४५५ जनामा कोरोना संक्रमण पुष्टि भएको छ । सोही समय थप २ जनाले कोरोना संक्रमणका कारण ज्यान गुमाएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट ४ हजार ८२९ जनामा कोरोना परिक्षण गरिएको थियो । जसमध्ये २ हजार ३०८ जनामा गरिएको आरटी पिसिआर परिक्षणमा ३०५ जनामा कोरोना संक्रमण पुष्टि भएको छ । साथै २ हजार ५२१ जनामा गरिएको एन्टिजेन परिक्षणमा १५० जनामा कोरोना संक्रमण पुष्टि भएसँगै देशभरबाट ४५५ जनामा कोरोना संक्रमण पुष्टि भएको मन्त्रालयले जनाएको छ ।
आज थपिएका संक्रमितसँगै नेपालमा सक्रिय कोरोना संक्रमितको संख्या ५ हजार ४३५ जना पुगेको मन्त्रालयले जनाएको छ ।
