कठमाडौं । नेपालमा पछिल्लो २४ घण्टामा थप ९३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ५ हजार ३५१ ज्नामा कोरोना परिक्षण गरिएको थियो । जसमध्ये २ हजार ८६२ जनामा गरिएको आरटी पिसीआर परिक्षणमा ४९८ जनामा संक्रमण पुष्टि भएको हो । साथै २ हजार ४८९ जनामा गरिएको एन्टीजेन परिक्षणमा ४३६ जनामा संक्रमण पुष्टि भएको मन्त्रालयले जनाएको छ । सोही समय कोरोना संक्रमणका कारण थप १ जनाको मृत्यु भएको छ ।
आज थपिएका संक्रमितसँगै नेपालका सक्रिय कोरोना संक्रमितको संख्या ५ हजार ६८६ जना पुगेको छ । आजै ४७० जना भने कोरोना संक्रमण मुक्त भएका छन् ।
