काठमाडौं । ज्योति लाइफ इन्स्योरेन्स कम्पनी लिमिटेडले जीवन बीमा अभिकर्ता तालिम सम्पन्न गरेको छ । कम्पनीको चितवन शाखा कार्यालयले आज सोमबार कमलनगर स्थित शाखा कार्यालयमा अभिकर्ता आधारभुत तालिम सम्पन्न गरेको हो । उक्त तालिममा १६ जना नयाँ अभिकर्ताहरुको सहभागिता रहेको थियो ।
सो अवसरमा कम्पनीका एरिया सेल्स म्यानेजर ईश्वर बिकल सापकोटाले सहभागिहरुलाई नेपालमा जीवन बीमाको इतिहास र बिकासक्रमका साथै ज्योति लाइफका विभिन्न पोलिसीका बारेमा जानकारी गराउनुको साथै बिशेषताहरुबारे प्रकाश पारेका थिए ।
उक्त तालिम कार्यक्रमको सहजीकरण शखा प्रबन्धक मुकुन्द भुसालले गरेका थिए । तालिममा सन्जय पुडासैनीले स्वागत मन्तब्य राखेका थिए । कार्यक्रममा छोटो समयमा उत्कृष्ट ब्यबसाय गर्ने कम्पनीका सिनियर एजेन्सी म्यानेजर प्रेम ढकाल र एजेन्सी म्यानेजर दिपक राजन्यौपानेलाई सम्मान गरिएको थियो ।
